సూర్యాపేట జిల్లా మోతె మండల కేంద్రంలో స్వేరోస్ డే వేడుకలు గురువారం ఘనంగా, ఉత్సాహంగా నిర్వహించారు. స్వేరోస్ సూర్యాపేట జిల్లా ప్రధాన కార్యదర్శి జిల్లపల్లి శివకృష్ణ ఆధ్వర్యంలో, మోతె మండల అధ్యక్షులు డి.దుర్గారావు అధ్యక్షతన ఈ వేడుకలు జరిగాయి.
*ఎస్.ఆర్.శంకరన్ కు ఘన నివాళి:*
ఈ సందర్భంగా అణగారిన వర్గాల ఆశాజ్యోతి, దళితుల హృదయాల్లో చెరగని ముద్ర వేసిన మాజీ ఐఏఎస్ అధికారి ఎస్.ఆర్.శంకరన్ గారి చిత్రపటానికి పూలమాల వేసి ఘనంగా నివాళులర్పించారు. ఆయన సేవలు, త్యాగాలను స్మరించుకున్నారు.
*జెండా ఆవిష్కరణ, నినాదాలు:*
స్వేరోస్ జెండాను ఆవిష్కరించి, జై భీమ్, జై స్వేరోస్, విద్య – వినయం – సమానత్వం అనే నినాదాలతో మండల కేంద్రం మార్మోగింది. స్వేరోస్ నెట్వర్క్ వ్యవస్థాపకులు డా.ఆర్.ఎస్.ప్రవీణ్ కుమార్ ఐపీఎస్ (వీఆర్ఎస్) గారి ఆశయాలను ముందుకు తీసుకెళ్తామని ప్రతిజ్ఞ చేశారు.
*పెన్నుల పంపిణీ:*
అనంతరం స్థానిక ప్రభుత్వ పాఠశాల విద్యార్థినీ విద్యార్థులకు చదువు ప్రాధాన్యతను వివరిస్తూ పెన్నులు పంపిణీ చేశారు.
ఈ సందర్భంగా స్వేరోస్ జిల్లా ప్రధాన కార్యదర్శి జిల్లపల్లి శివకృష్ణ మాట్లాడుతూ – స్వేరోస్ అంటే అక్షరం, ఆర్థికం, ఆరోగ్యమే లక్ష్యంగా జ్ఞాన సమాజ నిర్మాణానికి ఈ నెట్వర్క్ పనిచేస్తుంది. పేద విద్యార్థి కూడా ఐఏఎస్, ఐపీఎస్ కావాలని కలలు కనాలి. ఆ కలలను సాకారం చేసుకోవడానికి స్వేరోస్ వేదికగా పని చేస్తుంది. 22 అక్టోబర్ ను స్వేరోస్ డే గా జరుపుకోవడం మన బాధ్యత అని అన్నారు.
మండల అధ్యక్షులు డి.దుర్గారావు మాట్లాడుతూ – మోతె మండలంలోని ప్రతి గ్రామంలో స్వేరోస్ శాఖలు ఏర్పాటు చేసి యువతను చైతన్యం చేస్తామన్నారు.
ఈ కార్యక్రమంలో స్వేరోస్ నాయకులు వెంకటేశ్వర్లు, మహేష్, చిరంజీవి, కిరణ్ కుమార్, తరుణ్, త్రినాధ్, త్రిషిత, చిన్ను, రావణ్, రంజిత్, స్వేరోస్ కార్యకర్తలు, విద్యార్థులు, యువకులు, గ్రామస్తులు, చిన్నారులు పెద్ద సంఖ్యలో పాల్గొన్నారు.
Save or share this story as a newspaper-style Epaper Clip:
