Tnrnews.in Telugu News App | Daily Telugu News Channel In Suryapeta Telangana
తెలంగాణ

20 నుంచి సర్వే వివరాల నమోదు..!! డేటా ఎంట్రీ ఆపరేటర్లకు మాస్టర్‌ ట్రైనింగ్‌ పూర్తి రాష్ట్ర వ్యాప్తంగా 20 వేల మందికి పైగా ఆపరేటర్లు

 

హైదరాబాద్‌, నవంబరు 17 : రాష్ట్ర ప్రభుత్వం చేపట్టిన సామాజిక, ఆర్థిక, విద్య, ఉద్యోగ, రాజకీయ, కుల సర్వేలో సేకరించిన వివరాలను సాఫ్ట్‌వేర్‌లో నమోదు చేసేందుకు అవసరమైన డేటా ఎంట్రీ ఆపరేటర్లకు డమ్మీ సాఫ్ట్‌వేర్‌పై ప్రభుత్వం శిక్షణ ఇచ్చింది.
శనివారం హైదరాబాద్‌లోని నారాయణమ్మ ఇంజనీరింగ్‌ కళాశాలలో ఈ ట్రైనింగ్‌ కార్యక్రమాన్ని నిర్వహించింది. ఈ కార్యక్రమానికి జిల్లాకు 5-10 మంది, గ్రేటర్‌ హైదరాబాద్‌ మున్సిపల్‌ కార్పొరేషన్‌ నుంచి 20 మంది చొప్పున మొత్తం 300 మంది హాజరయ్యారు. సర్వే వివరాలను సాఫ్ట్‌వేర్‌లో నమోదుచేసేందుకు రాష్ట్ర వ్యాప్తంగా దాదాపు 20వేల మందికిపైగా ఆపరేటర్లు అవసరమవనున్నట్టు ప్రభుత్వం అంచనా వేస్తోంది.

ఈ కార్యక్రమంలో పాల్గొన్న హైదరాబాద్‌ కలెక్టర్‌ అనుదీప్‌ దురిశెట్టి మాట్లాడుతూ… సర్వే వివరాల నమోదులో ఎలాంటి తప్పులు లేకుండా చూడాలని శిక్షణకు హాజరైన ఆపరేటర్లకు సూచించారు. రాష్ట్ర వ్యాప్తంగా ఇప్పటి వరకు 50 శాతం సర్వే జరిగినట్లు తెలిపారు. కాగా, ప్రస్తుతం సర్వే ఉమ్మడి జిల్లాల వారీగా కాకుండా కొత్త జిల్లాల వారీగానే సాగుతోంది. ఈ నేపథ్యంలో కొత్తగా ఏర్పాటై, తక్కువ జనాభా ఉన్న జిల్లాల్లో సర్వే వేగంగా జరుగుతోందని అధికారిక వర్గాలు అంటున్నాయి. దీంతో సర్వేలో వచ్చిన వివరాలను సాఫ్ట్‌వేర్‌లో నమోదు చేసే ప్రక్రియను ఈ నెల 20 నుంచి ప్రారంభించే అవకాశం ఉందని విశ్వసనీయ సమాచారం.

Related posts

చదరంగం పోటీల్లో విజేత సిద్ధార్థ

TNR NEWS

ఘనంగా సిపిఐ పార్టీ ఆవిర్భావదినోత్సవం వేడుకలు  – త్యాగాల చరిత్ర పోరాటాల చరిత్ర ఎర్రజెండాది – శివలింగ కృష్ణ గజ్వేల్ నియోజకవర్గం సిపిఐ పార్టీ కార్యదర్శి 

TNR NEWS

అంకిత భావంతో మీసేవలు పని చేయాలి

Harish Hs

రైతు సంక్షేమ పథకాలను విస్తృతంగా ప్రచారం చేయాలి…  రాష్ట్ర ఐటీ , పరిశ్రమలు శాసనసభ వ్యవహారాల శాఖ మంత్రి డి.శ్రీధర్ బాబు త్వరలో మిగిలిన రైతులకు రుణమాఫి నిధుల జమ ప్రతి రైతుకు ప్రభుత్వం ద్వారా అందే సహాయాన్ని వివరిస్తూ గ్రామాలలో బోర్డులు ఏర్పాటు *ధాన్యం కొనుగోలు పై సంబంధిత అధికారులతో సమీక్ష నిర్వహించిన మంత్రి శ్రీధర్ బాబు

TNR NEWS

*సిపిఎం పార్టీలో చేరిక….*

TNR NEWS

వ్యాసరచన పోటీల్లో తెలంగాణ గురుకుల పాఠశాల విద్యార్థినిల విజయపరంపర

TNR NEWS