ఆత్మకూరు మండలం అక్కంపేట గ్రామం పద్మశాలి భవన్ లో తరుణి స్వచ్ఛంద సేవా సంస్థ ఆధ్వర్యంలో కుంగ్ పూ కరాటే పోటీలు నిర్వహించడం జరిగింది. ఈ పోటీలో గెలుపొందిన క్రీడాకారులకు బెల్టులు, ప్రశంస పత్రాలు అందజేశారు. ఈ సందర్భంగా స్వచ్ఛంద సంస్థ కోఆర్డినేటర్ కవిత మాట్లాడుతూ, బాలికలకు కరాటే మానసికంగా శారీరకంగా ఎంతో ఉపయోగపడుతుందని, దీని పట్ల సమాజంలో జరిగే సంఘటనలను అరికట్టడానికి ఎంతో దోహదపడుతుందని, ఈ స్వచ్ఛంద సంస్థ ద్వారా ఎంతో మంది నిరుపేద బాలికలకు ఉచితంగా టైలరింగ్ ,కంప్యూటర్ నేర్పబడుతుందని ఆమె తెలిపారు. ఈ కార్యక్రమంలో చీఫ్ ఎగ్జామినర్. పి వీరాచారి, చీఫ్ ఇన్స్ స్ట్రక్టర్. బి రవి కుమార్, బి రాజేందర్, స్వామి పాల్గొన్నారు.
