పిఠాపురం : శివ పరమాత్మ క్రియేషన్స్ బ్యానర్ లో ఆంధ్రా, తెలంగాణ రాష్ట్రాలలో భారీగా విడుదలైన ఆధ్యాత్మిక చలన చిత్రం “శివాజ్ఞ”. ఈ చిత్రం భక్తి, జ్ఞాన, వైరాగ్యాలతో రూపొందించారు. శివ పరమాత్మ జ్ఞానాన్ని, రాజయోగ విధానాన్ని అందరికీ తెలియజేయాలనే సదుద్దేశంతో ఈ చిత్రాన్ని ప్రజల్లోకి తీసుకొచ్చారు. ఈ చిత్రానికి పిఠాపురం నియోజకవర్గం మల్లాం గ్రామానికి చెందిన వి.ఎస్.వి.వి.మణికంఠ దర్శకత్వం వహించారు. స్వతహగానే ఆధ్యాత్మిక ఆలోచనలు కలిగిన మణికంఠ ఈ చిత్రాన్ని భక్తిరస దృశ్యకావ్యంగా తెరకెక్కించారు. ఈ చిత్రం విడుదలైన మొదటి ఆట నుంచే ప్రేక్షకులకు హృదయాలలో జ్ఞానం నింపుతూ మంచి విజయంతో దూసుకుపోతుంది. మంచి ఆధ్యాత్మిక చిత్రం దర్శకత్వం వహించిన వి.ఎస్.వి.వి.మణికంఠకు పిఠాపురం నియోజకవర్గానికి చెందిన పలువురు అభినందనలు తెలియజేశారు.
Save or share this story as a newspaper-style Epaper Clip:
