సూర్యాపేట జిల్లా కేంద్రంలోని బ్లూసికేఫ్ వద్ద తెలంగాణ వర్కింగ్ జర్నలిస్ట్స్ ఫెడరేషన్(టీ డబ్ల్యూజేఎఫ్)రాష్ట్ర వ్వవస్థాపక అధ్యక్షులు మామిడి సోమయ్య 60వ జన్మదిన వేడుకలు ఘనంగా నిర్వహించారు. టీడబ్ల్యూజేఎఫ్ సూర్యాపేట జిల్లా కమిటీ ఆధ్వర్యంలో జరిగిన ఈ వేడుకల్లో పలువురు నాయకులు పాల్లొని బాణాసంచా కాల్చి కేక్ కట్ చేశారు. ఈ సందర్భంగా టీడబ్ల్యూజేఎఫ్ యూనియన్ జిల్లా అధ్యక్షులు పాల్వాయి జానయ్య మాట్లాడుతూ, గత మూడు దశాబ్దాలుగా జర్నలిస్టుల శ్రేయస్సు, సమస్యల పరిష్కారం కోసం నిరంతరం శ్రమించిన జర్నలిస్టు పక్షపాతి నిరంతరం శ్రమిస్తున్న శ్రామికుడు,అపరచానిక్యుడు, రాష్ట్ర జర్నలిస్టులందరిని ఒక తాటిపైకి తీసుకొచ్చి ప్రతినిత్యం జర్నలిస్టుల పక్షాన పోరాడుతున్న మామిడి సోమయ్య కు అభినందనలని అన్నారు. ఆయన జన్మదిన వేడుకలు జిల్లా కమిటీ ఆధ్వర్యంలో సూర్యాపేట జిల్లా కేంద్రంలో నిర్వహించుకోవడం సంతోష కరమని అన్నారు. మామిడి సోమయ్య ఆయురారోగ్యాలతో నిండు నూరేళ్లు ఆరోగ్యంగా ఉండాలని కోరుకుంటూ కేక్ కట్ చేసి సంబరాలు నిర్వహించుకున్నారు. ఈ కార్యక్రమంలో టిడబ్ల్యూజేఎఫ్ ఎలక్ట్రానిక్ మీడియా కార్యదర్శి నందిపాటి సైదులు, ఆర్టిస్ట్ అసోసియేషన్ అధ్యక్షులు గుడిగుంట్ల గోవర్ధన్ గౌడ్, యూనియన్ జిల్లా ఉపాధ్యక్షులు గుడపూరి ప్రభు, యూనియన్ నాయకులు ఎస్ ఎన్ 9 న్యూస్ ఛానల్ అధినేత చాంద్ పాషా, ఎస్. అనిల్ కుమార్, పాల్వాయి గౌతమ్, స్నేహితులు, తదితరులు పాల్గొన్నారు.
Save or share this story as a newspaper-style Epaper Clip:
